§
A Consellería de Infraestruturas e Vivenda está actualmente a redactar os proxectos
construtivos dos edificios
§
A
previsión é iniciar as obras neste mesmo ano
§
O
concello recibirá a cambio o 10 por cento da edificabilidade das parcelas en forma de vivendas
rematadas e locais
Santiago,
20 de febreiro de 2016
.-
A Xunta de Galicia, a través do Instituto Galego da Vivenda e Solo, asinou hoxe as escrituras de
cesión de tres parcelas de solo residencial no concello de Vigo no que prevé a construción de
vivendas de promoción pública que se prevé iniciar este mesmo ano.
As
parcelas nas que se edificarán as vivendas foron cedidas polo concello de Vigo a cambio do 10 por
cento da edificabilidades das mesmas, que se concretará na cesión de vivendas totalmente rematadas
e locais comerciais. Xunto coas vivendas e locais cederanse ao concello as prazas de garaxe que
lles correspondan e un rocho por cada vivenda. O 5 por cento da edificabilidades das parcelas
cederase ao concello en forma de vivendas e o outro 5 por cento en locais, polo que a cesión dos
solares non é gratuíta.
As
parcelas nas que a Consellería de Infraestruturas e Vivenda construirá as vivendas de promoción
pública son as seguintes:
-
Parcela B 8A P.P. Cambeses - Rúa Ignacio Grobas: Parcela nº 150 do IPMS
- Parcela B
8B P.P. Cambeses - Rúa Ignacio Grobas: Parcela nº 151 do IPMS
- Parcela 8
U.A. Chantada: Parcela nº 155 do IPMS
A
Xunta prevé construír arredor de 26 vivendas na rúa Chantada e 36 na rúa Ignacio Grobas, estando
actualmente en redacción ambos proxectos, que foron adxudicados a finais de 2016. Todas as vivendas
contarán con praza de garaxe e un rocho. No caso da rúa Cambeses prevense ademais catro
locais.
O
investimento total será de máis de 7,3 millóns de euros, dos que 1,2 millóns de euros xa están
recollidos no orzamento do IGVS para 2017. O departamento que dirixe Ethel Vázquez prevé licitar as
obras de construción das vivendas no próximo verán e inicialas no último trimestre do ano.
A construción de novas vivendas de promoción pública amosa o compromiso da Xunta coa
vivenda protexida na cidade de Vigo, que se ve reforzada polas actuacións en marcha en San Paio de
Navia, onde se están a investir 10 millóns de euros na adquisición de solo, en compravenda, para a
ampliación con novo solo para a construción de 1.600 vivendas protexidas, prevíndose que as obras
da primeira fase da ampliación estean rematadas antes de finais de 2018.
Por outra parte, a Consellería licitou o pasado venres as obras de mellora das
infraestruturas de catro rúas de San Paio de Navia, cun investimento de máis de 765.000
euros.