-
Desde a implantación das bonificacións no prezo do solo, en 2015, a Xunta adxudicou o 37%
do solo empresarial dispoñible, o que supón máis dun millón de metros cadrados
-
O consello de administración de Xestur tamén adxudicou hoxe o control de calidade das obras
de explanación no parque empresarial de Morás, en Arteixo, no que en setembro adxudicou máis de
105.000 metros cadrados a unha empresa
Santiago de Compostela,
20
de
novembro
de 2017.- A Xunta de Galicia adxudicou máis de 11.000 metros cadrados nos parques
empresariais de Bértoa (Carballo), As Gándaras (Lugo) e Melide, segundo o acordado hoxe polo
consello de administración da empresa pública Xestur. Na mesma sesión tamén se adxudicou o control
de calidade das obras que se van realizar no parque empresarial de Morás, en Arteixo. As
bonificacións no prezo de venda achéganse ao medio millón de euros en total.
As adxudicacións de solo empresarial
acordadas hoxe son as seguintes:
PARQUE EMPRESARIAL
|
NÚMERO DE PARCELAS
|
SUPERFICIE TOTAL m
2
|
IMPORTE DA BONIFICACIÓN €
|
Bértoa (Carballo)
|
1
|
1.671
|
63.791,32
|
Melide
|
1
|
2.791
|
50.238,00
|
As Gándaras (Lugo)
|
2
|
6.766
|
372.130
|
TOTAL
|
4
|
11.228
|
486.159,32
|
Desde que en 2015 a Xunta
implantou a bonificación do prezo do solo empresarial propiedade do Instituto Galego da Vivenda e
Solo e Xestur, e posteriormente a adxudicación en dereito de superficie, xa se adxudicou máis de un
millón de metros cadrados a preto de 250 empresas, con
bonificacións no prezo do solo que superan os 25 millóns de euros. En total, adxudicouse o 37 por
cento do solo empresarial propiedade da Xunta de Galicia, recuperando os niveis anteriores á crise
económica.
Morás (Arteixo)
O
consello de Xestur tamén adxudicou o control de calidade da obra de explanación da plataforma K3 e
execución do vial denominado Eixo 0 para acceso de obras do Parque de Actividades Económicas de
Arteixo (Morás), por importe de 35.391 euros
Esta obra xa foi adxudicada a finais de setembro pasado por importe de máis de 3
millóns de euros e un prazo de execución da mesma de catro meses.
A obra consistirá na explanación da plataforma K-3, a única zona que aínda non está
explanada no parque empresarial e que ten unha superficie de máis de 105.000 metros cadrados. A
necesidade de efectuar voaduras para a explanación desta parcela obriga a realizar as obras antes
de que as empresas comecen a asentarse no parque empresarial, xa que a presenza de construcións no
mesmo dificultaría a realización de ditas voaduras.
Ademais da explanación da plataforma K-3, a obra licitada prevé a execución do Eixo
0, que permitirá o acceso á K-3 e a circulación de maneira ordenada e en condicións axeitadas de
seguridade polo ámbito unha vez se inicien as obras de urbanización interior do parque empresarial.
Asemade, permitirá o acceso para a instalación da subestación eléctrica que dará servizo ao parque
empresarial.
Actualmente xa están en execución as obras de acondicionamento da estrada DP-0512,
que constitúe o eixo principal do parque empresarial de Morás ao coincidir co viario V-5 do parque
empresarial. A obra foi adxudicada en abril deste ano por importe de 821.989,80 euros e un prazo de
execución de 10 meses.
Tamén no mes de setembro pasado Xestur adxudicou un total de 105.969 metros
cadrados de solo no parque empresarial de Morás á empresa Alumán