- A Comisión Provincial de Vivenda vén de aprobar a proposta de adxudicación deste inmoble
cedido por Abanca para destinalo a alugueiro social
- A Xunta tamén adxudicará outra vivenda, da súa propiedade, no poboado de Fontao, no
Concello de Vila de Cruces, a unha familia deste municipio con dificultades de acceso a un fogar
- No que vai de 2017, o Goberno galego xa realoxou a 66 familias en vivendas propiedade da
Xunta ou cedidas por Abanca, Sareb e CaixaBank
- Ao abeiro das 12 medidas adoptadas pola Xunta fronte aos desafiuzamentos e en defensa do
dereito á vivenda xa foron atendidos máis de 1.200 casos en Galicia
Santiago de Compostela, 27 de outubro de 2017.- A Xunta de Galicia adxudicará
unha vivenda no Concello de Moaña a unha familia de Vigo, con menores, en risco de exclusión
social, unha vez que a Comisión Provincial de Vivenda celebrada onte aprobou a proposta de
adxudicación.
A vivenda, que se entregará ao asinar o o contrato, foi cedida ao Goberno galego por Abanca
para ser destinada a alugueiro social.
A Xunta de Galicia tamén adxudicará outra vivenda, da súa propiedade, no poboado de Fontao,
no Concello de Vila de Cruces, a unha familia deste mesmo municipio con menores ao cargo e graves
dificultades de acceso a un fogar.
No que vai de 2017, a Xunta xa realoxou a 66 familias en vivendas da súa propiedade ou
cedidas por Abanca, Sareb e CaixaBank, o que supón un inmoble adxudicado cada catro días. A estas
familias hai que sumar as beneficiadas polo Bono de Alugueiro Social e outras medidas adoptadas
pola administración autonómica.
Ao abeiro das 12 medidas adoptadas polo Goberno galego fronte aos desafiuzamentos e en
defensa do dereito á vivenda xa foron atendidos máis de 1.200 casos en toda Galicia.
