-
Poderánse presentar ofertas nun prazo de quince días.
Santiago, 2 de xuño de 2015.- O Instituto Galego da Vivenda e Solo incorporará
unha vivenda ao Programa Aluga no concello de Cangas (Pontevedra) para a súa adxudicación directa
no marco do Programa de Realoxo de Afectados por Execucións Hipotecarias, segundo establece a
Resolución pola que se abre un prazo de quince días para a presentación de propostas.
A vivenda deberá ter as seguintes caracterísiticas:
a) Ser de titularidade privada e ter como uso escriturado o de
vivenda.
Os/as titulares das vivendas poderán ser persoas físicas ou
agrupacións delas, comunidades de bens e outras, que carezan de personalidade xurídica, así como
persoas xurídicas.
b) Ter a consideración de vivenda libre ou non estar sometida a
ningunha limitación para arrendala derivada da súa cualificación como vivenda protexida.
c) Estar libre de cargas que impidan o seu arrendamento e carecer
de limitacións por razóns de legalidade urbanística.
d) Estar desocupada e susceptible de uso, cando menos, desde o
momento da solicitude de incorporación ao programa.
e) Reunir as condicións esenciais de habitabilidade e idoneidade
para o seu arrendamento.
f) Ter unha renda taxada polo IGVS segundo prezos medios de
mercado que non supere os límites establecidos nos artigos 10º e 11º do decreto.
g) Estar de alta nas subministracións básicas de auga, gas e/ou
electricidade ou susceptible de estalo no momento da formalización do contrato de arrendamento, e,
estar ao día no pagamento dos correspondentes recibos.
Para máis información prema
aquí.