Segundo a disposición transitoria primeira do decreto 29/2010: Estas normas non serán de aplicación obrigada aos proxectos visados de acordo coa normativa anterior e para os que se solicite licenza nun prazo máximo de tres meses dende a entrada en vigor do presente decreto. Os devanditos proxectos seguirán rexéndose polo establecido na normativa de habitabilidade anterior, agás que o promotor da actuación solicite a aplicación das presentes normas.

No seu caso, o proxecto resultante das modificacións poderá adaptarse ou non á solicitude de licenza tramitada. Nos Artigos 194º e 195º da Lei 9/2002 de Ordenación Urbanística e Protección do Medio Rural de Galicia (modificada polas leis 15/2004, 6/2007, 3/2008 e 6/2008) regúlanse as licenzas urbanísticas. Así mesmo establécese que a concesión dunha licenza de obras é unha competencia municipal polo que lle corresponde aos concellos, segundo os informes técnicos e xurídicos, estimar ou considerar se as modificacións levadas a cabo sobre o proxecto orixinal supoñen unha modificación substancial do mesmo, como para que sexa necesario solicitar unha nova licenza. De ser necesario solicitala, sería de aplicación a normativa actualmente vixente, Decreto 29/2010, do 4 de marzo, polo que se aproban as normas de habitabilidade de vivendas de Galicia. No caso contrario, aplicaríanselle as determinacións do Decreto 311/1992 e das outras normativas, ao abeiro das cales foi solicitada a licenza.

A disposición transitoria 1ª regula a aplicación das NHV aos proxectos visados antes da entrada en vigor destas normas, e que pediron licenza no prazo de tres meses, como máximo, dende esa entrada en vigor (18 de abril de 2010) do decreto 29/2010, e o seu obxectivo é o de permitir seguir aplicando a normativa anterior (decreto 262/2007) aos proxectos que se redactan nese período transitorio, agás que o promotor prefira solicitar a adaptación á nova normativa en vigor.
Segundo a Disposición transitoria 2ª do novo decreto 29/2010 do 4 de marzo polo que se aproban as normas de habitabilidade de vivendas de Galicia: As modificacións que se realicen durante a fase de construción en proxectos con licenza válida obtida con anterioridade á entrada en vigor destas normas rexeranse pola normativa de habitabilidade aplicable ao proxecto no momento de obter a licenza.
Malia o exposto anteriormente, pódese solicitar a aprobación municipal das modificacións dos proxectos que obtiveron licenza para adaptalos á normativa vixente.
En calquera caso, o procedemento a seguir para a probación de ditas modificacións dependerá da entidade das mesmas e correspóndelle ao concello o seu establecemento.

Efectivamente, segundo a disposición transitoria primeira:
Estas normas non serán de aplicación obrigada aos proxectos visados de acordo coa normativa anterior e para os que se solicite licenza nun prazo máximo de tres meses dende a entrada en vigor do presente decreto. Os devanditos proxectos seguirán rexéndose polo establecido na normativa de habitabilidade anterior, agás que o promotor da actuación solicite a aplicación das presentes normas.

Será o concello quen lle indique cal é o procedemento a seguir para solicitar unha nova licenza co novo proxecto visado de acordo coas NHV.